Fullmakt – innhenting av dokumentasjon

Ved å krysse av for fullmakt i «Min Eiendom - Bestillingsskjema» har du gitt Farm Resources AS fullmakt som skildra i dette dokumentet, avgrensa til den eigedomen og dei opplysningane du oppgav i skjemaet. Dette dokumentet er ei stadfesting av kva fullmakta omfattar – du treng ikkje signere eller sende noko i retur.

PARTAR
Fullmaktsgivar: Den som fylte ut og sende inn bestillingsskjemaet, med opplysningane oppgitt der (namn/føretak, adresse, kontaktinfo, gnr/bnr for aktuell eigedom).
Fullmaktshavar: Farm Resources AS, org.nr. 937 053 053.

KVA FULLMAKTA OMFATTAR
Fullmaktshavar får rett til å innhente følgjande opplysningar frå offentlege kjelder, på vegne av Fullmaktsgivar, avgrensa til bruk i den bestilte tenesta:
• Matrikkelopplysningar (matrikkelbrev, teigdata).
• Grunnboksopplysningar (heimelshavar, heftelsar, servituttar).
• Jordskiftedokument og rettsbøker.
• Kommunale planopplysningar og byggesaksarkiv.

AVGRENSINGAR
Fullmakta gjeld innhenting av informasjon til bruk i utarbeiding av bestilt rapport/portal. Ho gir ikkje Fullmaktshavar rett til å disponere over eigedomen (sal, pantsetjing, søknadar) eller opptre på vegne av Fullmaktsgivar i rettslege prosessar.

GYLDIGHEIT
Fullmakta gjeld frå datoen bestillingsskjemaet vart sendt inn, og til oppdraget er fullført – maksimalt 12 månader, med mindre anna er skriftleg avtalt.

SPØRSMÅL
Ta kontakt på min.eigedom@farmr.no dersom du lurer på noko ved fullmakta eller kva ho blir brukt til.